بے وفائی۔۔۔ نظر تو آتی ہے

زیڈونک [زیبرے اور گدھے کا امتزاج] چند روز قبل ریاست ہائے متحدہ امریکہ میں جارجیا کے چیسٹیٹی وائلڈ  لائف پریزرو [جنگلی حیات کے لیے محفوظ مقام] میں پیدا ہوئی۔ چیسٹیٹی وائلڈ  لائف پریزرو  کے حکام اس بے بی کو دیکھ کر حیران رہ گئے کیونکہ اس طرح کے واقعات شاذو نادر ہی وقوع پزیر ہوتے ہیں۔ ان کا کہنا ہے کہ مختلف قسم کے جانور یہاں گزشتہ 40 سالوں سے موجود ہیں لیکن ایسا پہلی بار دیکھنے میں آیا ہے۔  ان کا ماننا ہے کہ یہ ایک زیبرا اور گدھی کی پریم کہانی کا نتیجہ ہے۔ وائلڈ لائف پریزرو کے اہلکار یہ جاننے کی کوششوں میں مصروف ہیں کہ بے بی زیڈونک کو اپنے والدین کی کون کون سی خصوصیات ورثے میں ملی ہیں۔ ظاہری طور پرباپ میاں زیبرےکی طرف سے کالی دھاریاں ان کے ٹانگوں اور چہرے پر نمایاں ہیں اور ان کے سر کی بناوٹ والدہ محترمہ کی طرح ہے۔ عادات و اطوار کے بارے میں ابھی کچھ کہنا مشکل ہے۔

۔۔۔

...

Chestatee Wildlife Preserve, Preservation Through Education

ہم چونکہ حقوق موئنثاں کے زبردست حامی ہیں لہذا بی گدھی کو ہر طرح کے حقوق حاصل ہونے چاہئیں لیکن میاں زیبرے سےان کے اس فعل کا حساب ضرور لیا جانا چاہئے کہ وہ بی زیبری کے ہوتے ہوئے بی گدھی کے ساتھ عشق و محبت کی پینگیں بڑھاتےرہے۔ لیکن شاید ایساممکن نہیں کیونکہ یہ واقعہ وہاں پیش آیا ہے جہاں باہمی رضا مندی سے کیا جانے والا ہر فعل جائز ہے۔ لہذا اُمّید یہی ہے کہ میاں زیبرے کو مستقبل میں بھی مزید گُل کھلانے کے مواقع فراہم کیے جاتے رہیں گے۔ خیال رہے کہ زیبرے کی بے وفائی پر بی زیبری کا ردعمل اب تک سامنے نہیں آیا ہے۔

نوٹ: عنوان صفدر علی صفدر صاحب کے ایک شعر سے مستعار لیا گیا ہے جو انھوں نے مضمون پڑھنے کے فوراْ بعد ارشاد فرمایا تھا۔

یہ جبلّت اثر دکھاتی ہے

بے وفائی نظر تو آتی ہے

Source:  Gainesvilletimes.com

[flagallery gid=1 name="Gallery"]