اعظم بلاگ

اطلاع برائے تبدیلی بلاگ

2010-08-31T06:19:00.000-07:00

بلاگ نئے ایڈریس پر منتقل ہوگیا ہے۔ نئے بلاگ کا پتہ مندرجہ ذیل ہے:

اعظم بلاگ
http://blog.waqarazam.co.cc

سپریم کورٹ میں ججوں کی تعیناتی

2010-02-14T10:19:00.000-08:00

خبر ہے کہ صدر مملکت جناب آصف علی ذرداری نے عدالت عظمی میں ججوں کی تعیناتی کے حوالے سے چیف جسٹس جناب افتخار محمد چعدھری کی سفارشات کو مسترد کرتے ہوئے لاھور ہائی کورٹ کے چیف جسٹس جناب خواجہ شریف کو سپریم کورٹ کا جج اور لاھور ہائی کورت کے سینئر جج جناب ثاقب نثار کو لاھور ہائی کورٹ کا چیف جسٹس مقرر کرنے کا حکم دیا۔ اس خبر کے آتے ہی ہم ٹی وی اسکرین کے آگے بیٹھ گئے کہ دیکھیں کون سب سے پہلے ایوان صدر اور گورنر ہائوس پہنچ کر اپنے عہدے کا حلف اٹھاتا ہے لیکن اس وقت ہمارے ارمانوں پر اوس پڑ گئی جب دونوں معزز جج صاحبان نے صدارتی احکامات تسلیم کرنے سے انکار کردیا۔

صدر مملکت نے ججوں کی تعیناتی کا حکمنامہ ہفتہ کے روز جاری کیا۔ ایسے احکامات کو ہفتہ کے دن جاری کرنے کی بھی اپنی ایک تاریخ ہے۔ اس سے پہلے جناب ذرداری کے پیشرو جنرل پرویز مشرف نے بھی ہفتہ کے دن ہی ایمرجنسی نافذ کی تھی۔ بہرحال جناب ذرداری اور ان کے مشیروں کا خیال ہوگا کے ہفتہ کو سپریم کورٹ میں چھٹی ہوتی ہے اور اس کے بعد اتوار کا دن۔ دو دن کافی ہونگے نئے ججز سے حلف لینے اور اس سے متعلق دوسرے معملات کو سدہارنے کےلئے۔ لیکن جناب چیف صاحب نے بھی کمال کردیا۔ فیصلے کو دوگھنٹے بعد ہی سپریم کورٹ تشریف لے آئے اور تمام اسٹاف کو بھی حاضر ہونے کا حکم دے دیا۔ اور اس فیصلے کا ازخود توٹس لیتے ہوئے3 رکنی خصوصی بینچ بھی تشکیل دے دیاجس نے فوری سماعت کا آغاز کرتے ہوئے صدارتی حکم کو معطل کردیا۔ مزید سماعت 18 فروری کو ہوگی۔

مجھے اس کا اندازہ نہیں کے صدر مملکت اس فیصلے سے کیا نتائج حاصل کرنا چاہتے تھے۔ یا یہ بھی عدلیہ کے مقابلے میں اپنی ناک کو اونچی رکھنے کی کوشش تھی، بہرحال ایسا لگا ہے کہ اس بار بھی جمہوری حکومت سو پیاز اور سو جوتے کھانے کے موڈ میں ہے۔ اس بارے میں آپ کیا کہتے ہیں مجھے ضرور بتائےگا۔

مجاہدین کشمیر کے نام

2010-02-04T21:05:00.000-08:00

میرے کشمیر کے یہ جری نوجواں
حوصلے جن کے ہیں مثل حیدر جواں

اپنے دشمن پہ ایسے جھپٹتے ہیں یہ
جیسے گہرے سمندر کی موج رواں

ان کی ہیبت ہے طاری صف دشمناں
اصل میں ہیں یہی جرائتوں کے نشاں

مشرق سے ابھرتے ہوئے سورج کو ذرا دیکھ

2009-12-16T17:48:00.000-08:00

آج صبح سے ہی دل بہت اداس تھا۔ ایک عجیب سی بے چینی طبعیت میں تھی۔ ہر طرف ماحول میں یاسیت وی رچی بسی محسوس ہورہی ہے، کیوں، آج ایسا کیا ہے، آج 16 دسمبر ہے۔ اسلامیان پاکستان کے لئے ایک سیاہ دن جب آج سے 38 سال پہلے میرا پیارا وطن پاکستان دولخت ہوگیا۔ جب تاریخ میں پہلی بار 90000 مسلمان سپاہ نے ہندئوں کے آگے ہتھیار ڈال دئے۔ وہی 16 دسمبر جب حب الوطنی جرم قرار دے دی گئی اور سرزمین بنگال کےسپوتوں، البدر کے پاکباز جوانوں کو پاکستان سے محبت کے جرم میں شہید کیا گیا۔ جب بنگالی قوم پرستی کے عفریت پر لاکھوں غیر بنگالی پاکستانیوں کی بھینٹ چڑھائی گئی۔

سقوط ڈھاکہ کا سانحہ یوں ہی اچانک سے وقوع پذیر نہیں ہوگیا۔ بدترین استحصال، سنگین علطیوں اور شرمناک شازشوں کا سفر تو پاکستان بننے کے بعد ہی شروع ہوگیا لیکن اس میں شدت پہلے مارشل لاء کے بعد آئی۔ ملک کے مغربی حصے کے ساتھ سوتیلا پن کا سا سلوک کیا گیا۔ ہر شعبہ ذندگی میں مغربی پاکستانیوں کو اولیت دی گئی اور مشرقی پاکستان کے حصے میں صرف بھوک بدحالی اور غربت ہی آئی۔ آیا تو مغربی حصے کے عوام کے ہاتھ بھی کچھ نہیں لیکن ملک پر قابض حکمرانوں کی جھولیاں ضرور بھر گئیں اور جب کبھی احتساب کا آوازہ بلند ہوتا تو این۔آر-اہ کے ذریعے تازہ دم ہوکر اس تاتواں قوم کے کاندھو پر سوار ہوجاے۔

آج 38 سالوں بعد اس دن کی یادوں کی کسک دل میں محسوس ہوتی ہے۔ آج بھی وطن عزیز کے حالات خراب سے خراب تر ہوتے جارہے ہیں۔ قبائلی علاقوں میں فوجی آپریشن جاری ہے۔ بلوچستان احساس محرومی کی آگ میں جل رہاہے۔ دہشت گردی اور بم دھماکے روز کا معمول بن گئے ہیں اور ملک پر قابض این۔آر۔او زدہ ٹولہ چین کی بانسری بجارہاہے اور اپنے اقتدار کو مضبوط کر نے کے لئے امریکہ کے آگے سجدہ ریز ہےاورملک میں امریکیوں کی بڑھتی ہوئی پراسرارسرگرمیوں اور ڈرون حملوں پر چپ سادھی ہوئی ہے۔

اس شدید حبس اور گھٹن کے موحول میں جب ہر طرف ایک مایوسی سی طاری ہے، این۔آر۔اہ کے بارے میں سپریم کورٹ کا فیصلہ تازہ ہوا کے جھونکے سے کم نہیں۔ 16 دسمبر 1971 کو سقوط ڈھاکہ کا سانحہ ہوا تھا اور آج 16 دسمبر 2009 کو سقوط این۔آر۔او کی خوشخبری اس قوم کو ملی ہے۔ یہ اس بات کا اعلان ہے کہ قومی دولت لوٹنے والوں کو حساب دینا ہوگا۔ یہ اس حقیقت کا اظہار ہے کہ خدا خلوس دل، نیک نیتی اور ثابت قدمی سے کی جانے والی جدوجہد کو رائیگاں نہیں جانے دیتا۔ یہ اس تحریک کا ثمر ہے جو ڈیڑھ سال سے زائدعرصے تک آزاد عدلیہ کی بحالی کے لیے چالائی گئی اور اس دوران موسم کی سختیاں اور ہر طرح کا ریاستی جبر و تشدد ان کی راہ کھوٹی نہیں کر سکا۔ پاکستان کو ایک آزاد و خودمختار اسلامی و فلاحی ریا ست بنانے کی طرف صیحیح سمت میں لیا گیا ایک قدم ہے۔ انشا اللہ وہ وقت دور نہیں جب کسی چور اور لٹرے کو اس ملک میں جائے پناہ نہیں ملے گی۔
کھول آنکھ زمیں دیکھ فلک دیکھ فضا دیکھ
مشرق سے ابھرتے ہوئے سورج کو ذرا دیکھ

اسلام جواں مردوں کاراستہ

2009-10-30T03:02:00.000-07:00

ہمارے روشن خیال اور”تجدد پسند”حضرات جب کسی مسئلہ پر گفتگو فرماتے ہیں تو ان کی آخری حجت، جو ان کے نزدیک سب سے قوی حجت ہے، یہ ہوتی ہے کہ زمانے کا رنگ یہی ہے، ہوا کا رخ اسی طرف ہے، دنیا میں ایسا ہی ہورہا ہے۔ پھر ہم اس کی مخالفت کیسے کرسکتے ہیں اور مخالفت کرکے زندہ کیسے رہ سکتے ہیں! اخلاق کا سوال ہو۔ وہ کہیں گے کہ دنیا کا معیار اخلاق بدل چکا ہے۔ مطلب یہ نکلا کہ مسلمان اس پرانے معیار اخلاق پر کیسے قائم رہیں؟ پردے پر بحث ہو۔ارشاد ہوگا کہ دنیا سے پردہ اٹھ چکا ہے۔ مراد یہ ہوئی کہ جو چیز دنیا سے اٹھ چکی ہے اس کو مسلمان کیسے نہ اٹھائیں! تعلیم پر گفتگو ہو۔ ان کی آخری دلیل یہ ہوگی کہ دنیا میں اسلامی تعلیم کی مانگ ہی نہیں۔ مدعا یہ کھلا کہ مسلمان بچے وہ جنس بن کر کیسے نکلیں جن کی مانگ نہیں ہے اور وہ مال کیوں نہ بنیں جس کی مانگ ہے! سود پر تقریر ہو۔ ٹیپ کا بند یہ ہوگا کہ اب دنیا کا کام اس کے بغیر نہیں چل سکتا۔ گویا مسلمان کسی ایسی چیز سے احتراز کیسے کرسکتے ہیں جو اب دنیا کاکام چلانے کے لیے ضروری ہوگئی ہے غرض یہ کہ تمدن، معاشرت، اخلاق، تعلیم، معیشت،قانون،سیاست اور زندگی کے دوسرے شعبوں میں سے جس شعبے میں بھی وہ اصول اسلام سے ہٹ کر فرنگیت کا اتباع کرنا چاہتے ہیں،اس کے لیے زمانے کا رنگ اور ہوا کارخ اور دنیا کی رفتار وہ آخری حجت ہوتی ہے جو اس تقلید مغربی یا درحقیقت اس جزوی ارتداد کے جواز پر برہان قاطع سمجھ کر پیش کی جاتی ہے، اور خیال کیا جاتا ہے کہ عمارت اسلامی کے اجزائ میں سے ہر اس جز کو ساقط کردینا فرض ہے جس پر اس دلیل سے حملہ کیا جائے۔

ہم کہتے ہیں کہ شکست وریخت کی یہ تجویزیں جن کو متفرق طور پر پیش کرتے ہو، ان سب کو ملاکر ایک جامع تجویز کیوں نہیں بنالیتے؟ مکان کی ایک ایک دیوار۔ ایک ایک کمرے اور ایک ایک دالان کو گرانے کی علیحدہ علیحدہ تجوزیں پیش کرنے، اور ہر ایک پرفرداً فرداً بحث کرنے میں فضول وقت ضائع ہوتا ہے۔ کیوں نہیں کہتے کہ یہ پورا مکان گرادینے کی ضرورت ہے کیونکہ اس کا رنگ زمانے کے رنگ سے مختلف ہے، اس کا رخ ہوا کے رخ سے پھرا ہو ہے اور اسکی وضع ان مکانوں سے کسی طرف نہیں ملتی جو اب دنیا میں بن رہے ہیں۔

جن لوگوں کے حقیقی خیالات یہی ہیں ان سے تو بحث کرنا فضول ہے، ان کے لیے توصاف اور سیدھا سا جواب یہی ہے کہ اس مکان کو گرانے اور اس کی جگہ دوسرا مکان بنانے کی زحمت آپ کیوں اٹھاتے ہیں؟ جو دوسرا خوش وضع، خوشنما، خوش رنگ مکان آپ کو پسند آئے اس میں تشریف لے جائیے۔

اگر دریا کے دھارے پر بہنے کا شوق ہے تو اس کشتی کا لیبل کھرچنے کی تکلیف بھی کیوں اٹھائیے؟ جو کشتیاں پہلے سے بہہ رہی ہیں، انہی میں سے کسی میں نقل مقام فرما لیجئے۔ جو لوگ اپنے خیالات، اپنے اخلاق، اپنی معاشرت، اپنی معیشت ، اپنی تعلیم، غرض اپنی کسی چیز میں بھی مسلمان نہیں ہیں اور مسلمان رہنا نہیں چاہتے ان کے برائے نام مسلمان رہنے سے اسلام کا قطعاً کوئی فائدہ نہیں بلکہ سرا سر نقصان ہے۔ وہ خدا پرست نہیں، ہوا پرست ہیں، اگر دنیا میں بت پرستی کا غلبہ ہوجائے تو یقیناً وہ بتوں کو پوجیں گے۔ اگر دنیا میں برہنگی کا رواج ہوجائے تو یقیناً وہ اپنے کپڑے اتار پھینکیں گے۔ اگر دنیا نجاستیں کھانے لگےتو یقیناً وہ کہیں گے کہ نجاست ہی پاکیزگی ہے اور پاکیزگی تو سراسر نجاست ہے۔ ان کے دل اور دماغ غلام ہیں اور غلامی ہی کے لیے گھڑے گئے ہیں۔ آج فرنگیت کا غلبہ ہے، اس لیے اپنےباطن سے لے کر ظاہر کے ایک ایک گوشے تک وہ فرنگی بننا چاہتے ہیں۔ کل اگر حبشیوں کا غلبہ ہوجائے تو یقیناً وہ حبشی بنیں گے۔ اپنے چہروں پر سیاہیاں پھیرں گے، اپنے ہونٹ موٹے کریں گے، اپنے بالوں میں حبشیوں کے سے گھونگھر پیدا کریں گے، ہر اس شے کی پوجا کرنے لگیں گے جو حبش سے ان کو پہنچے گی۔ ایسے غلاموں کی اسلام کو قطعاً ضرورت نہیں ہے، بخدا اگر کروڑوں کی مردم شماری میں سے ان سب منافقوں اور غلام فطرت لوگوں کے نام کٹ جائیں اور دنیا میں صرف چند ہزار وہ مسلمان رہ جائیں جن کی تعریف یہ ہو کہ ﴿وہ اللہ کے محبوب ہوں اور اللہ ان کا محبوب ہو، مسلمانوں کے لیے نرم اور کافروں کے لیے سخت ہوں، اللہ کی راہ میں جہاد کرنے والے ہوں اور کسی ملامت کرنے والے کا انہیں خوف نہ ہو﴾﴿المائدہ84﴾تو اسلام اب سے بدرجہا زیادہ طاقتور ہوگا اور ان کروڑوں کا نکل جانا اس کے حق میں ایسا ہوگا جیسے کسی مریض کے جسم سے پیپ اور کچ لہو نکل جائے۔﴿اسلام جواں مردوں کاراستہ صفحہ نمبر3اور4﴾

یہ شریعت بزدلوں اور نامردوں کے لیے نہیں اتری ے۔ نفس کے بندوں اور دنیا کے غلاموں کے لیے نہیں اتری ہے۔ ہوا کے رخ پر اڑنے والے خش و خاشاک، اور پانی کے بہاؤ پر بہنے والے حشرات الارض اور ہر رنگ میں رنگ جانے والے بے رنگوں کے لیے نہیں اتری ہے۔ یہ ان بہادر شیروں کے لیے اتری ہے جو ہوا کا رخ بدل دینے کا عز م رکھتے ہوں، جو دریا کی روانی سے لڑنے اور اس کے بہاؤ کو پھر دینے کی ہمت رکھتے ہوں، جو صبغتہ اللہ کو دنیا کے ہر رنگ سے زیادہ محبوب رکھتے ہوں اور اسی رنگ میں تمام دنیا کو رنگ دینے کا حوصلہ رکھتے ہوں۔﴿اسلام جواں مردوں کاراستہ صفحہ نمبر5﴾

مگر انقلاب یا ارتقائ ہمیشہ قوت ہی کے اثر سے رونما ہوا ہے، اور قوت ڈھل جانے کا نام نہیں ڈھال دینے کا نام ہے، مڑجانے کو قوت نہیں کہتے، موڑ دینے کو کہتے ہیں۔ دنیا میں کبھی نامردوں اور بزدلوں نے کوئی انقلاب پیدا نہیں کیا، جو لوگ اپنا کوئی اصول، کوئی مقصد حیات، کوئی نصب العین نہ رکھتے ہوں، جو بلند مقصد کے لیے قربانی دینے کا حوصلہ نہ رکھتے ہوں، جو خطرات ومشکلات کے مقابلہ کی ہمت نہ رکھتے ہوں، جن کو دنیا میں محض آسائش اور سہولت ہی مطلوب ہو، جو ہر سانچے میں ڈھل جانے اور ہر دباؤ سے دب جانے والے ہوں، ایسے لوگوں کا کوئی قابل ذکر کارنامہ انسانی تاریخ میں نہیں پایاجاتا۔ تاریخ بنانا صرف بہادر مردوں کا کام ہے۔ انہی نے اپنے جہاد اور اپنی قربانیوں سے زندگی کے دریا کا رخ پھیرا ہے۔ دنیا کے خیالات بدلے ہیں۔ مناہج عمل میں انقلاب برپا کیا ہے۔زمانے کے رنگ میں رنگ جانے کے بجائے زمانے کو خود اپنے رنگ میں رنگ کر چھوڑا ہے۔﴿اسلام جواں مردوں کاراستہ صفحہ نمبر6اور7﴾
Source: kashifiat.wordpress.com

عالمی دہشت گرد امریکہ

2009-08-09T07:49:00.000-07:00

شمالی کوریا کے ایٹمی ہتھیار دنیا لے لیے خطرہ ہیں۔ ایران کو اہٹمی ہتھیاروں کے حصول کی اجازت نہیں دینگے۔ پاکستان کے ایٹمی ہتھیار شدت پسندوں کے ہاتھ لگ سکتے ہیں۔ یہ وہ بیانات ہیں جو امریکی حکام تواتر سے دیتے ہیں۔ ان بیانات کی روشنی میں ایسا محسوس ہوتا ہے کہ جیسے امریکہ دنیا کے امن اوردنیا کو اہٹمی ہتھیاروں کی تباہکاریوں سے محفوظ رکھنے کے لیے بہت مخلص ہے اور اسے دنیا میں امن بہت عزیز ہے لیکن اگر ہم تاریخ پر نظر ڈالیں تو اپنا سر پیٹ لینے کا دل چاہتا ہے۔

آج 9 اگست ہے۔ یہ جاپان کا شہر ناگاساکی ہے جہاں 9 اگست 1945 کی صبح لوگ اپنے اپنے کاموں میں لگے ہیں اور بچے اسکولوں میں حصول علم میں مصروف ہیں۔ دن کے تقریبا 11:02 بجے اس پرسکون شہر کی فضائوں میں ایک امریکی طیارہ نمودار ہوا اور پھر چشم زدن میں شہر ملبے کے ڈھیر میں تبدیل ہوگیا۔ اہل ناگا ساکی پر قیامت بپا ہوگئی۔ اس امریکی طیارے نے ناگاساکی پرایٹم بم برسا دیا۔ اس ایٹمی حملے کے نتیجے میں 74000 افراد ہلاک ہوگئے اور 75000 سے زائد افراد زخمی ہوئے۔ اس کے بعد کے کئی سالوں میں ایٹمی تابکاری کے نتیجے میں ہزارہا افراد مختلف بیماریوں کا شکار ہوکر ہلاک ہوئے۔ باگاساکی پر حملے سے دودن پہلے ہیروشیما بھی امریکی بربریت کا شکار ہوچکا تھا جہا ں اعدادشمار کے مطابق 140000 افراد اپنی جانوں سے ہاتھ دھو بیٹھے۔

ان اعداد شمارپر نظر ڈالنے کے بعد عقل و شعور سے بیگانہ فرد ہی امریکہ کو انسانی حقوق کا چمپئن قرار دے سکتا ہے۔ امریکہ کے ایٹمی ہتھیاروں کے ذخیرے میں اب بھی اتنے ہتھیار موجود ہیں جن سے دنیا کو کئی بار برباد کیا جاسکتاہے۔ امریکہ کو تو تاریخ ہی ظلم، جبر، استبداد اور انسانیت کش واقعات سے بھری پڑی ہے۔ ان گورے بدمعاشوں نے امریکہ کی بنیاد ہی دو کروڑ مقامی ریڈانڈین کی لاشوں پر رکھی ہے اور پھر ویت نام سے عراق، افغانستان میں لاکھوں افراد کا قتل عام اور اب پاکستان کے واقعات گواہ ہیں کہ انسانیت کا سب سے بڑا دشمن امریکہ ہے۔ امریکہ ہی سب سے بڑا دہشت گرد ہے۔ عالمی دہشت گرد امریکہ اور اس کے حواری ہیں۔

میاں طفیل محمد: ایک عہد ساز شخصیت

2009-07-04T10:42:00.000-07:00

میاں طفیل محمد 26 جون کو انتقال کر گئے۔ آپ اپریل 1914 میں ہندوستان کی ریاست کپورتھلہ میں ایک کاشتکار کے گھر پیدا ہوئے۔ 1935 میں آپ نے گورنمنٹ کالج لاہور سے فزکس میں فرسٹ ڈویزن آنرز لی اور پھر والدین کے اصرار پر سائنس میں ماسٹرز کا ارادہ ترک کر کے لاء کالج میں داخلہ لیا اورقانون، شہادت اور لینڈلاز میں آنرز کے ساتھ ایل ایل بی بھی فرسٹ ڈویزن میں کیا۔ آپ ریاست کپور تھلہ کے پہلے مسلمان وکیل تھےاسلام کے لئے فطری تڑپ آپ کے دل میں موجود تھی، اسی زمانے میں مولانا مودودی کی کتابوں سے آشنائی ہوئی۔ سلطان پور لودھی کے ایک مذہبی جلسے میں ان کی ملاقات سید عطا اللہ شاہ بخاری سے ہوئی جو وہاں تقریر کرنے آئے تھےانھوں نے مشورہ دیا کہ "وکیل صاحب سچ پوچھو تو کرنے کا اصل کام وہی ہے جو سید کا لاہوری لعل کررہا ہے، ہمت ہے تو اس کے پاس چلے جائواور اس کے ساتھ مل کر کام کرو"۔ بس پھر کیا تھا وہ توجوان اپنا سب کچھ مولانا مودودی کی خدمت میں پیش کرنے چلا آیا۔ 26 اگست 1941 کو جماعت اسلامی کی بنیاد رکھی گئی تومیاں طفیل محمد ان 75 افراد میں شامل تھے جنھوں نے اعلائے کلمۃ اللہ اور دین کو غالب کرنے کے لئے جدوجہد کرنے کا عزم کیا۔ میاں صاحب ایک بڑے عرصے تک جماعت اسلامی کے سیکریٹری جنرل رہے اور پھر مولانا مودودی کے امارت سے استفعے کے بعد ارکان نے جماعت نے ان کو جماعت کا امیر چن لیا۔ وہ 15 سالوں تک جماعت اسلامی پاکستان کے امیر رہے لیکن اس مرد درویش کی ذات پر کرپشن کا کوئی داغ کبھی نہیں لگا۔ ان کے انتقال سے قوم اسلامی انقالاب کی تڑپ رکھنے والے ایک باکردار سیاستدان سے محروم ہوگئی۔

میاں طفیل محمد کے انتقال کے بعد ملکی اور بین الاقوامی میڈیا میں ان کی زندگی اور سیا سی کردار پر بحث و تبصرے جاری ہیں اور لوگ انھیں خراج تحسین پیش کر رہے ہیں اور تنقید بھی۔ خاص کر سکیولر و لبرل انتہا پسند ان کے ضیاالحق کے دور میں ان کے اصولی موئقف کے خلاف دل کی بھڑاس نکال رہے ہیں کہ ضیاالحق کے زمانے میں تعلیمی نصاب کمیٹی میں جماعت اسلامی کے افراد شامل ہوئےاور انہوں نے اسلامی نظریاتی نصاب تیار کرکے تعلیمی اداروں مین رائج کر دیا۔ اس سلسلے میں بی بی سی کا منافقانہ کردار ایک بار پھر عیاں ہوگیا ہے کہ یہ اپنے آپ کو ایک غیر جانبدار ادارہ کہتا ہے لیکن اسلام اور جماعت اسلامی کے خلاف گمراہ کن پرپگینڈا کرنے سے باز نہیں آتا۔ بی بی سی اردو کے سابق چیف محمد حنیف نے میاں صاحب کے بارے میں ایک طویل مضمون لکھا ہے جس میں میاں طفیل محمد اور جماعت اسلامی کے بارے میں نئی نسل کو انہیں پرانے ہٹکنڈوں سے گمراہ کرنے کی کوشش کی ہےجس کا جواب ان حضرات کو بیسیوں مواقعوں پر دیا جاچکا ہے لیکن انھیں دہرا کر شاید یہ سمجھتے ہیں کہ اس طرح یہ اسلام اور جماعت اسلامی کاراستہ روک سکتے ہیں۔ ان تمام لبرل انتہا پسندوں کی تان ضیاالحق پر ہی آکر ٹوٹتی ہے کیونکہ اس نے اسلام کا نام لیا تھا بھلے اپنے مفاد کے لئے ہی سہی۔ جماعت اسلامی کی طرف سے ضیا آمریت کی چند ماہ حمایت کا شور تو خوب بلند کرتے ہیں لیکن ذولفقار علی بھٹو اور ایوب خان کی جوڑی، ذولفقار علی بھٹو کی سول آمریت، یحیی خان اور پرویز مشرف کی آمریت کے بارے میں کہتے ہوئے ان کی زبان دکھتی ہے۔ بحرحال ضیا دور میں قومی نصاب کمیٹی میں جماعت کے افراد کی شمولیت میاں صاحب کی پیش بین صلاحیتوں کا مظہر ہے کہ جس کی وجہ سے گزشتہ دو عشروں سے جو نوجوان طبقہ ان تعلیمی اداروں سے نکلا ہے وہ بڑی پامردی کے ساتھ استعمار اور اس کے مقامی ایجنٹوں کو للکاررہا ہے۔ پرویز مشرف دور میں نصاب میں سے بہت کچھ نکال دینے کے باوجود اب بھی اتنا کچھ موجود ہے کہ ان روشن خیالوں کے سینوں میں سانپ لوٹتے ہی رہینگے۔

آخر مِیں لبرل اور سکیولر انتہا پسندوں سے یہ کہنا ہے کہ دوستو اسلام کی آغوش میں آجائو، اس ملک کا مقدر اسلام اور صرف اسلام ہے۔ اسلام اور عالم اسلام کے خلاف شازشیں بند کردو کیونکہ اسلام میں زندگی ہے، اسلام میں آزادی ہے، اسلام میں حریت کی نوید ہے، اسلام میں فتح کااعلان ہے، اسلام بیڑیاں کاٹنے والا، اسلام سب کی غلامی سے نکال کر صرف رب حقیقی کا غلام بنانے والا، اسلام اپنے مانے والوں کی عظمت رفتہ کو بحال کرنے والا، گرے ہوئوں کو اٹھانے والا، گرتوں کو سہارا دینے والا، پست کو سربلند کرنے والا، ضعف کو قوت بخشنے والا، سرنگوں اور پسے ہوئوں کو سربلند اور سرفراز کرنے والا، بکھر ہوئوں کو یکجا کرنے والا، امت کے منتشر اجزا کو سیسہ پلائی ہوئی دیوار بنانے والا اور سب کی غلامی طوق گلے سے نکال کر وہ ایک سجدہ جسے تو گراں سمجھتا ہے اسی کا لطف دوبالا کرنے والا۔ اسلام سکہ رائج الوقت ہے، یہی سکہ چلے گا باقی سب کھوٹے سکے ہیں:
اسلام غالب آئیگا اسلام غالب آئیگا
اس ملک میں تم دیکھتا اسلام غالب آئیگا
اور پاک سے پاکیزہ تر اپنا وطن ہوجائے گا
پھر کفر کا ، الحاد کا سکہ نہ چلنے پائے گا
اللہ کے شیروں سے جو الجھے گا منہ کی کھائے گا
پیغمبر اسلام کا پرچم یہاں لہرائے گا
اسلام غالب آئیگا اسلام غالب آئیگا

جنرل کیانی کی اڑان

2009-06-16T01:58:00.000-07:00

پاکستانی فوج کے سربراہ جنرل اشفاق پرویز کیانی نے دہشت گردی کے خلاف جاری جنگ میں فضائیہ کے کردار کوسراہنے اور جوانوں کا حوصلہ بڑھانے کےلیے علامتی طور پر جنگ میں شرکت کے لیے جنگ زدہ علاقے پرایف سولہ طیارے کے ذریعے پرواز کی اور فضائیہ کے جوانوں سے خطاب بھی کیا۔

اپنے خطاب میں انھوں نے کہا کہ:

مالاکنڈ ڈویژن میں جاری فوجی آپریشن کا مقصد گمراہ لوگوں کو راہ است پر لانا ہے۔

آرمی چیف نے بجا فرمایا کہ مالاکنڈ کے رہنے والے شاید گمراہ ہوگئے تھے اور ان کا مزاج درست کرنے کے لئےہی یہ آپریشن شروع کیاگیا جس کی وجہ سے 30 لاکھ سے زائد افراد دربدری کاعذاب جھیل رہے ہیں اور موسم کی سختیوں کو پرداشت کرنے کے ساتھ ساتھ خوراک کے حصول کے لیے قطاروں میں لگے اپنی عزت نفس کا جنازہ نکلتے ہوئے دیکھ رہے ہیں۔ اہلیان مالاکنڈ شاید اسلام سے اپنی والہانہ وابستگی کی قیمت چکا رہے ہیں۔ اس آپریشن کے نتیجے میں کوئی معروف شدت پسند تو نہیں مارا گیا لیکن ہماری بہادرافوج کی گولہ باری کے نتیجے میں عام شہری ضرور اس کا نشانہ بن رہے ہیں اور جو تمام تر روکاوٹوں اور مشکلات کے باوجود وہاں سے نکلنے میں کامیاب ہوگئے ہیں وہ کیمپوں میں کسمپرسی کی زندگی گذارنے پر مجبور ہیں۔
جنرل کیانی نے کہا کہ:
ہمیں دہشت گردی کے خلاف جنگ میں کسی بیرونی مشورے کی ضرورت نہیں ہےکیونکہ ہم اپنے ملک کو اچھی طرح جانتے ہیں۔

جنرل صاحب نے بلکل صحیح فرمایا، دہشت گردی کےخلاف نام نہاد جنگ جو کہ درحقیقت اسلام کے خلاف جنگ ہے جس میں اب تک عراق، افغانستان اور پاکستان میں لاکھوں مسلمانوں کا قتل عام کیا گیا ہے دراصل ہماری اپنی جنگ ہے۔ ہم بہت تندہی کے ساتھ ان مسلمانوں کے خلاف اپریشن جاری رکھے ہوئے ہیں جو امریکہ کو للکار رہے ہیں یا جن کی اسلام سے وابستگی امریکا کے لئے خطرے کا پیغام ہے۔
ویسے بھی اپنے لوگوں سے جنگ کا ہمارا بہت وسیع تجربہ ہے چاہے وہ مشرقی پاکستان میں ہونے والا آپریشن سرچ لائٹ ہوجس کے نتیجے میں پاکستان اپنے مشرقی بازو سے محروم ہوا یا بلوچستان میں بلوچوں کے خلاف آپریشن یا کراچی میں آپریشن کلین اپ کہ جس میں ایم کیو ایم کے مرکز90 پر فوج کے چھاپے کے دوران جناح پور کا نقشہ پرآمد کیا گیااور اس پر ملک توڑنے اور جناح پور بنانے کی سازش کرنے کا الزام لگایا گیا (اجکل وہی ایم کیو ایم فوج کی حمایت میں قومی پرچم لہرارہی ہے۔) یا صوبہ سرحد کے شمال میں جاری آپریشن، فوج اپنی قوم کو فتح کرنے میں ہمیشہ کامیاب رہی ہے، ناکامی تو صرف اسلامی جمہوریہ پاکستان کے حصے میں آئی ہے۔

جنرل کیانی نے مزید فرمایا کہ:

بیت اللہ محسود اور مولانا فضل اللہ دونوں دین کے عالم نہیں ہیں اور قوم ان کے کردار کو جانتی ہے اور نام کے ساتھ مولانا لگانے سے کوئی عالم دین نہیں بن جاتا۔ ہم سب مسلمان ہیں اور کون برا ہے کون اچھا ہے یہ فیصلہ اللہ تعالٰی کریں گے۔

جنرل صاحب نے بلکل بجا فرمایا کہ یہ دونوں یقینا عالم دین نہیں ہونگے اور اگر کوئی عالم دین ہوبھی تو اسے لوگوں کے گلے کاٹنے اور معصوم لوگوں کو بم حملوں کا نشانہ بنانے کا اختیار نہیں دیاجاسکتا اور یہ دونوں یقینا ملک دشمنوں کے ہاتھوں میں کھیل رہے ہیں لیکن کیا جنرل صاحب نے کبھی یہ سوجا کے اس طرح آپریشن کے نتیجے میں وہ مزید کتنے شدت پسندوں کو جم دے رہے ہیں۔ جن کے ماں باپ یا دیگر عزیزواقارب فوج کا نشانہ بنے ہیں ان کے جذبات پاکستان اور پاکستانی فوج کے بارے میں کیا ہونگے۔ کیا ملک دشمن عناصر ان کو آسانی سے اپنے مقاصد کے لئے استعمال نہیں کرسکتے؟
جنرل صاحب فوج کا مورال ضرور بڑھائیں لیکن کیا آپ نے کبھی سوات اور مالاکنڈ کے متاثرین کے بارے میں بھی سوچا ہے کہ وہ کس حال میں ہیں اورشدید گرم موسم میں پتلے چادروں سے بنے خیموں میںکس طرح زندگی گذار رہے ہیں۔ مردحضرات تو گرمی کی شددت سے بچنے کے لیے کسی درخت کے سائے تلے پناہ لے سکتے ہیں لیکن پردے دار خواتین کیا کریں۔ جنرل صاحب یہ اپریشن مذید کتنے مہینے جاری رہےگا؟ آپ نے کہا کہ ہمیں بیرونی مشوروں کی ضرورت نہیں ہے لیکن آپ امریکی ایلچی ہالبروک کے احکامات کو ماننے سے کب انکار کریں گے؟

زرداری اور ان کے حواریوں کا دورہ امریکہ

2009-06-01T20:50:00.000-07:00

وطن عزیر کے مختلف علاقوں میںبپا شورش سے قطع نظرپاکستان معاشی لحاظ سے بھی اپنی تاریخ کے نازک ترین دور سے گزر رہا ہے۔ خظے میں جاری امریکی جنگ کے باعث ملک کو سالانہ 36ملین ڈالر کے نقصان کا سامنا ہے۔ حکومت اس نقصان کا ازالہ کرنے کے لئے امریکہ اور یورپی ممالک کے سامنے کشکول گدائی لئے کھڑی ہے۔ سوات اور ملاکنڈ کے 30 لاکھ متاثریں کا مسئلہ بھی اسی لئے پیدا گیا ہے کہ بیرونی دنتا سے ان متاثرین کی امداد اور بہالی کے نام پر ڈالر بٹورے جائیں۔ اس سلسلے میں کبھی ڈونر کانفرنس منعقد کی جاتی ہے اور کبھی حکمران اپنے آقائوں کے درپر حاضری دیے پہنچ جاتے ہیں اپنے وزیروں اور مشیروں کے لاوَ لشکر سمیت۔ ان غیرملکی دوروں پر اٹھنے والے اخراجا ت پر ایک نظر ڈالی جائے تو یہ بھی کروڑوں مین ہوتی ہیں۔ ایسا ہی ایک دورہ چند دن پہلے زرداری اور ان کے حواری جن میں وفاقی وریر اطلاعات قمرزمان کائرہ صاحب پیش پیش تھے امریکہ کا کیا۔ اس دورے میں ان حضرات کی مصروفیات کی مفصل رپورٹ انڑنیٹ کے ذریعے ہر ایک کی دسترس میں ہے۔

نیویارک میں وزیراطلات جناب قمر زمان کائرہ صاحب نے شہرکی سیر کرنے کے لئے لگژری لیموزین بک کروائی جس کا کرایہ صرف 500 ڈالر فی گھنٹہ ہے۔ اس کے علاوہ مختلف جگہوں پر ان کے استقبال کے دوران ہزاروں ڈالر لٹائے گئے ہیں۔ وزیراعظم یوسف رضا گیلانی سے پوچھا گیا کے آپ نے جو ہیرے جڑی گھڑی پہنی ہوئی ہے کتنے کی ہے تو جواب مالا 50 ہزار ڈالر۔اور جو سوٹ پہنا تھا اس کی قیمت 20 پزار ڈالرتھی۔

کجھ شدت پسند اور طالبان قسم کے لوگوں کو اس پر اعتراض ہے اور وہ اس کا موازنہ اس طرح کرنے لگتے ہیں کہ 70 ہزار ڈالر میں ہزاروں متاثرین کو خیمے مہیا کئے جاسکتے تھے۔ جتنے ڈالر ان کے استقبال پر لٹائے گئے ان سے ہزاروں متاثرین کے لئے راشن کا انتظام کیا جاسکتا تھا وغیرہ وغیرہ۔ حکمران ٹولہ کوئی رزاق ہے کہ رزق کا انتظام بھی کرے، بھلے روٹی، کپڑا اور مکا ن ان کا نعرہ ہے لیکن سب کے لئے اس کا انتظام تھوڑی ہوسکتا ہے۔ اب بھلا ان شدت پسندوں کو کئی کیسے سمجھائے کہ بھائی ہمارے صدر زرداری اور ان کے حواری پاکستانی قوم کی بھلائی اور بہبود کے لئے دن رات ایک کرکے محنت کررہے ہیں۔ اتنی شدید محنت سے یہ جب تھک جا تے ہیں تو تھوڑی سی تفریح کرلیتے ہیں۔ تاکہ دوبارہ سے تازہ دم ہوکر ملک و قوم کی خدمت کرسکیں اور انھیں تو خوش ہونا چاہئے کہ ہمارا وزیراعظم اتنا قیمتی ہے۔

فوجی آپریشن سے متاثرہ افراد کی سندھ آمد

2009-05-22T22:51:00.000-07:00

سوات اور مالاکنڈ کے متاثرین کو سندھ میں نہیں آنے دینگے۔ متاثرین کے آنے سے سندھی اقلیت میں بدل جائینگے۔ بشیر قریشی، جئے سندھ قومی محاذ۔ سندھ میں داخل ہونے والے متاثرین سوات اور مالاکنڈ کی رجسٹریشن کی جائے اور ان کو کیمپوں تک محدود رکھاجائے بصورت دیگر ان متاثرین کو صوبہ سرحد تک محدود رکھنے کا مطالنہ کرینگے، فاروق ستار ۔ متحدہ قومی موومنٹ۔ یہ چند بیانات ہیں جو دو مختلف سیاسی جماعتوں کے قائدین کی طرف سے جاری ہوئے ہیں اور اسی سلسلے میں ان دونوں جماعتوں نے آج کے دن یعنی 23مئی کو ایک پرتشدد ہڑتال کی کال دی جس کی وجہ سے کراچی میں کئی لوگ جابحق ہوچکے ہیں اور شہر کے مختلف علاقوں میں درجنوں گاڑیاں نزرآتش کردی گئی ہیں۔

کیا واقعی سوات سے چند ہزار متاثرین کے آنے سے سندھی اقلیت میں بدل جائینگے، امن و امان کا بہت بڑا مسئلہ پیدا ہوجائے گا۔ اگر آپ اپنے دل پر ہاتھ رکھ کر ان سوالوں کا جواب تلاش کریں تو جواب یقینا نفی میں ہوگا۔ سوات اور مالاکنڈ میں امریکی ایما پر ہونے والے آپریشن کے نتیجے میں بے گھر ہونے اولے افراد نقل مکا نی کر رہے ہیں ہجرت نہیں اور حالات کے معمول پرآتے ہے یہ لوگ اپنے گھروں کو واپس جائینگے۔

اگر آپ ٹی وی کے سامنے ہی بیٹھ کر ان متاثرین کی بپتا سنیں تو دل درد سے بوجھل ہوجا تا ہے اور آنکھوں سے آنسو رواں ہوجاتے ہیں لیکن یہ کیسے لوگ ہیں کے مصیبت کی اس گھڑی میں بھی بجائے ان کے زخموں پر مرہم رکھنے کے ان کی مصیبتوں کو مذید بڑھا رہے ہیں۔ کیا سوات اور مالاکنڈ کے رہنے والے پاکستانی نہیں ہیں، کیا کسی پاکستانی کو یہ حق حاصل نہیں کہ وہ مملکت پاکستان کے کسی بھی ھصے میں رہائش اختیار کرے۔

ان متاثرین کے سلسلے میں متحدہ قومی موومنٹ کا منافقانہ کردار ایک بار پھر عیاں ہوگیا ہے جوکہ بغل میں چھری اور منہ میں رام رام والے مقولے کے مصداق ہے۔ متحدہ قومی موومنٹ جو خود کو اردو بولنے والوں کا نمائندہ کہتی رہی ہے، اُن لاکھوں ماکستانی محسورین کے مسئلے کوکبھی کسی مناسب فورم پر نہیں اٹھایا جو کہ سابقہ مشرقی پاکستان (بنگلہ دیش) میں کیمپوںمیں نہایت کسمپرسی کی زندگی گزار رہے ہیں اور جن کی کئی نسلیں اس المیے کی نظر ہوچکی ہیں۔ مجھے یقین ہے کہ اگر کبھی ان محصورین کو پاکستان لانےکی کوشش کی گئی تو متحدہ وقومی موومنٹ اس کی بھی مخالفت کرے گی۔

قوم مصیبت کی اس گھڑی میں یقینا ان متا ثرین کے ساتھ ہے اور ہر طرح سے ان کی امداد کے لئے تیار بھی۔ شہر کے گلی کوچوں میں مختلف تنظیموں کی طرف سے لگائے گئے ریلیف کیمپس اسی جذبے کی عکاس ہیں جہاں سے روزانہ کی بنیاد پر لاکھوں روپے اور اشیاء خوردونوش جمع ہورہی ہیں لیکن اس کے ساتھ ساتھ قوم کو ایسے افراد اور تنظیموں کی مذمت کرنی ہوگی جو اپنے بیرونی آقاوں کے اشارے پر ملک میں مسائل کھڑے کرنے کے لئے تیار رہتے ہیں۔ متاثرین سوات اور مالاکنڈ کی کراچی آمد کا مسئلہ اس کی تازہ مثال ہے۔ خود پیپلز پارٹی کے رہنما رضا ربانی بھی بلاخر بول پڑے کہ کچھ لوگ متاثرین کی کراچی آمد کے مسئلے کو بڑھا چڑھا کر پیش کر رہے ہیں۔

سوات: مہاجرین کا المیہ

2009-05-13T21:52:00.000-07:00

آج کل صوبہ سرحد کے ضلع سوات اور وفاق کے زیر انتظام قبائلی علاقوں میں فوجی آپریشن موضوع بحث بنا ہوا ہےجس کے نتیجے میں پچھلے دس پندرہ سالوں میں تاریخ کی سب سے بڑی ہجرت عمل میں آئی ہے اور تیرہ لاکھ سے زائد افراد بے سروسامانی کے عالم میں اپنے گھروں سے نکل پڑے ہیں۔ سوات میں تحریک نفاذ شریعت محمدی اور حکومت کے درمیان امن معاہدے کے بعد امید کی جارہی تھی کے وہا ں امن قائم ہو جائے گا لیکن عالمی امن کے ٹھیکیدار شروع ہی سے اس معاہدے کے خلاف تھے۔ معاہدے کے بعد کی صورت حال کا موازنہ اگر اس سے پہلے کے حالات سے کیا جائے تویہ یقینا پچھلے ڈیڑھ سالوں سے بہتر تھے اور اس معاہدے کو مزید وقت دیاجانا چاہئے تھا۔ اس تمام عرصے میں عوامی نیسنل پارٹی اور پیپلز پارٹی کا کردار نہایت گھنائونا رہا۔ یہ سکیولرازم کی علمبردار انتہا پسند کبھی یہ چاہ ہی نہیں سکتے کے ملک کے کسی گو شے میں شریعت کا نفاذ ہو اور اس کے نتیجے میں امن و انصاف کا بول بالا ہوجائے اور یہ پورے ملک کے لئے امید کی کرن بن جائے، اور یوں لگتا تھا کے صوفی محمد بھی کچھ جلدی میں ہیں۔ دونوں اطراف سے معاہدے کی خلاف ورزی کے الزامات لگائے جاتے رہے اور بلاخر امریکی دبائو پر سوات میں آپریشن کا دوبارہ آغاز کردیا گیا یہ جانتے ہوئے بھی کے اس کے نتیجے میں مہاجرین کا سیلاب امڈ آئیگا ان کی کفا لت کا پیشگی کو ئی انتظام نہیں کیا گیا۔ تادم تحریر آگ و خون کا یہ کھیل سوات میں جاری ہے۔ کرفیو میں نرمی کے وقفے سے فائدہ اٹھاتے ہوئے محفوظ مقاما ت کی طرف جانے والوں کا تانتا بندھا ہوا ہے اور سوات کے گلی کوچوں میں عام شہریوں اور عسکریت پسندوں کے بےگوروکفن لاشے پڑے ہوئے ہیں۔ مہاجرین کی بحالی اور کفالت کے لئے اقوام متحدہ کا ادارہ برائے مہاجرین اور الخدمت فاءونڈیشن کےسوا کوئی دوسری قابل ذکر این جی اوز موجود نہیں ہے اور حکومت کی کارکردگی تو سب کے سامنے ہے۔ ضرورت اس امر کی ہے کہ قوم ایثار و اخلاص کے ساتھ ان مہاجرین کی امداد کرے جو اپنے ہی وطن میں ہجرت پر مجبور ہوئے ہیں۔

12 مئی

2009-05-13T07:14:00.000-07:00

زندگی پر سبھی راستے بند تھے
موت ہی اپنی راہیں بناتی رہی

صحن جاں کے لئے ایک جھونکانہ تھا
باد صرصر دیوں کو بجھاتی رہی

فصل گل کو نہ اذن سفر مل سکا
اور آندھی قیامت مجاتی رہی

پانہ زنجیر کردی گئی روشنی
ظلمت شب سیاہی بڑھاتی رہی

راہ میں لٹ گیا خواب کا کارواں
رہزنی منزلیں اپنی پاتی رہی

پھر گئے دور کی ابتدا ہوگئی
کل مرے شہر میں انتہا ہوگئی

دیرآید، درست آید

2009-05-12T23:07:00.000-07:00

آج 12مئی ہے۔ جی ہاںوہی 12مئی جب آج سے دوسال پہلے معزول چیف جستس افتخار محمد چوہدری کی کراچی آمد پر میرے شہر میں قیامت برپا کردی گئی۔ کرچی میں آگ و خون کا کھیل جاری تھا اور حاکم وقت اسلام آباد میں اسی سلسلے کے ایک جشن سے خطاب کرتے ہوئے اسے عوامی طاقت کا مظاہرہ قرار دے رہا تھا کہ جس میں 50 سے زائد افراد اپنی جانوں سے ہاتھ دھو بیٹھے تھے۔ آج دوسالوں کے بعد اس 12مئی کے کئی وارث پیدا ہوگئے ہیں، وہ بھی جو اُس وقت اقتدار میں تھے اور وہ بھی جو اس وقت اقتدار میں ہیں۔ وزیراعلی سندھ سید قائم علی شاہ نے حکومت کی اتحادی دونوں جماعتوں (عوامی نیشنل پارٹی اور متحدہ قومی موومنٹ) کے ہڑتال کے علان کے بعد عام شہریوں کو دہشتگردوں سے محفوظ رکھنے کے لئے عام تعطیل کا اعلان کیا ہے۔ آجکل حکومتی رٹ کا بڑا شہرہ ہے جو کہ کراچی میں صرف چھٹی دینے کے موقع پر ہی نظر آتی ہے۔

ویسے تو چھٹی اس مقصد کے لئے دی گئی تھی کہ شہری اپنے گھروں میں دہشتگردوں کی پہنچ سے دور رہیں لیکن برا ہو کے-ای-ایس-سی والوں کا کے لوڈشیڈنگ کی وجہ سے ہمیں باہر نکلنا ہی پڑا۔ باہر آکر مجھے ایک خشگوار حیرت کا سامنا کرنا پڑا، جی ہاں میرے شہر کے گلی کوچوں میں پاکستان کے سبز ہلالی پرجموں کی بہار آئی ہوئی ہے۔ معلوم ہوا کے قائد تحریک جناب محترم الطاف حسین کی اپیل پر متحدہ قومی موومنٹ سوات اور قبائلی علاقوں میں آپریشن میں مصروف عمل پاک فوج سے یکجہتی کے اظہارکے لئے قومی پرچم لہرارہی ہے۔
رنگ بدلتا ہے آسماں کیسے کیسے، مجھے وہ دن یاد آگئے جب قائدتحریک پاکستان سے بیزاری کا اظہار کرتے ہوئے قومی پرچم جلایا کرتے تھے۔ بہرحال، دیرآید، درست آید۔۔۔۔

عجب زمانہ یہ چل رہا ہے، عجب فضاء اب بدل رہی ہے
وطن کے پرچم جلانے والے ، وطن کے پرچم لگا رہے ہیں

16 دسمبر

2008-12-16T07:21:00.000-08:00

آج پھر یہ دسمبر کے شام و سحراس لہو رنگ
شام غریباں پہ ہیں نوحہ خواں
جس کی قسمت میں کوئی سویرا نہ تھا
چاند بے نور تھا
چھن گئی تھی ستارے سے بھی روشنی
بیڑیاں ابن قاسم کے پیروں میں تھی
آج پھر۔۔
قرظبہ اور ڈھاکہ سے القدس تک
اپنی تاریخ کے یہ سبھی المیئے
یہ سبھی سانحے
پوچھتے ہیں کہ یہ
عظمتوں کے نشاں
کیوں ہوئے سرنگوں
آج پھر۔۔۔

غزہ: دور حاضر کا شعب ابی طالب

2008-05-31T02:00:00.000-07:00

ہاشمی نسب جناب ہاشم بن عبدمناف سے شروع ہوتا ہے- بلندکردار قریشی سردار، ذہانت و جرأت میں ہی نہیں صداقت و امانت میں بھی اپنی مثال آپ تھا- قریش مکہ ہرسال موسم گرما میں اپنے تجارتی قافلے شام بھیجا کرتے- یہ قافلے سرما میں واپس لوٹتے- ان رحلة الشتاء والصیف میں سے ایک قافلہ جناب ہاشم کی قیادت میں جاتا- 25 برس کی عمر تک یہ سردار نمایاں ترین مقام حاصل کرچکا تھا- لوگ انھیں التاجر الصدوق ’انتہائی سچا تاجر‘ کہہ کر پکارنے لگے- 25سال کی عمر میں ہاشم بن عبدمناف تجارتی قافلہ لے کر شام جا رہے تھے کہ وادی سینا سے ملحق علاقے غزہ میں انھیں اچانک بیماری نے آن لیا- یہ بیماری مرض الموت ثابت ہوئی اور رسول اکرم صلی اللہ علیہ وسلم کے جدامجد ہاشم بن عبدمناف غزہ میں انتقال فرما گئے- غزہ کے محلے ’الدرج‘ میں آج بھی ان کی قبر موجود ہے- قبر کے پڑوس میں ایک شان دار تاریخی مسجد، مسجدسیدہاشم واقع ہے- یہ مسجد ممالیک کے عہد میں تعمیر کی گئی- سلطان عبدالحمید نے 1850ء میں اس کی تجدید کی، غزہ کو اسی حوالے سے غزۂ ہاشم کہہ کر پکارا جاتا ہے- مصر کی وادی سینا سے منسلک اور بحرمتوسط کے ساحل پر پھیلی ہوئی 40 کلومیٹر لمبی اور 10کلومیٹر چوڑی غزہ کی پٹی میں 15 لاکھ فلسطینی بستے ہیں- 1948ء میں سرزمین فلسطین پر قبضہ کر کے جب صہیونی ریاست قائم کرنے کا اعلان کیا گیا تو غزہ کی پٹی مصر کے زیرانتظام گئی- مصری انتظام 19 سال تک قائم رہا- 1967ء کی عرب اسرائیل جنگ کے نتیجے میں دیگر وسیع علاقوں کے ساتھ ہی ساتھ غزہ پر بھی صہیونی افواج نے قبضہ کرلیا اور غزۂ ہاشم پر ابتلا کا نیا دور شروع ہوگیا- 1948ء کے بعد دیگر فلسطینی علاقوں سے بھی مہاجرین کی بڑی تعداد غزہ منتقل ہوگئی تھی، آٹھ مہاجر خیمہ بستیاں وجود میں آئیں- یہودیوں نے بھی یہاں اپنی 25 جدید بستیاں تعمیر کیں اور غزہ کی یہ مختصر سی پٹی کثافت بادی کے لحاظ سے دنیا کی سب سے گنجان انسانی آبادی بن گئی-مفلوک الحال آبادی سسک سسک کر جی رہی تھی کہ وہاں جہاد و مزاحمت سے آشنا ایک نئی نسل نے جنم لیا- شیخ احمد یاسین، ڈاکٹر عبدالعزیز الرنتیسی اور انجینیریحیی شہید جیسے راہ نماؤں نے اس نسل کی تربیت کا بیڑا اٹھایا- اسلامی یونی ورسٹی غزہ جیسے شان دار تعلیمی ادارے قائم کیے اور بالآخر 1987ء میں اسلامی تحریک مزاحمت (ح: حرکة م: المقاومة اس: الاسلامیة حماس ،یعنی جوش و جذبہ) وجود میں آگئی- آغازکار میں پتھروں اور غلیلوں سے ٹینکوں کا مقابلہ کیا گیا، معصوم بچوں نے کنکریوں سے دیوقامت ٹینکوں اور جدید ترین ہتھیاروں کا مقابلہ کیا- ابابیل صفت بچے گھروں سے نکلتے ہوئے باوضو ہوکر تے، مساجد میں نوافل ادا کرتے اور صہیونی درندوں کا مقابلہ کرنے کے لیے نکل آتے- بظاہر صہیونی اسلحے کے انباروں اور بے وسیلہ بچوں کا کوئی تقابل نہیں تھا لیکن دنیا نے دیکھا کہ ہزاروں شہدا، زخمیوں اور قیدیوں کا نذرانہ دینے کے بعد بالآخر بے وسیلہ تحریک انتفاضہ ہی کامیاب ہوئی اور 1967ء سے غزہ پر قابض صہیونی افواج 2005ء میں انخلا پر مجبور ہوئیں-صہیونی اور امریکی منصوبہ یہ تھا کہ اسرائیلی انخلا کے بعد غزہ اور مغربی کنارے میں فلسطینی آپس ہی میں لڑتے لڑتے ختم ہوجائیں- صہیونی استعمار کے ساتھ مذاکرات و مصالحت کرنے والی الفتح تحریک خودکو فلسطینی عوام کا اکلوتا نمائندہ قرار دیتی رہی ہے- وہی1993ء کے بعد سے لے کر غزہ اور مغربی کنارے میں قائم فلسطینی اتھارٹی کے سیاہ و سفید کی مالک تھی- صہیونی اور امریکی منصوبہ ساز اس اتھارٹی کے ذریعے فلسطینی مجاہدین کو فلسطینی ’حکمرانوں‘ کے ہاتھوں نیست و نابود کروانا چاہتے تھے- اربوں ڈالر کی امداد کا اعلان کیا گیا اور یہ جاننے کے باوجود کہ یہ خطیر امدادی رقم چند جیبوں میں جارہی ہے اس کرپشن پر کوئی اعتراض نہ کیا گیا، مزید امداد کے لیے اکلوتی شرط یہی رکھی گئی کہ مزید دہشت گردوں، یعنی مجاہدین کا قلع قمع کرو- یہ منصوبہ اور سازش شاید کامیاب ہوجاتی لیکن جنوری 2006ء میں پورا نقشہ ہی بدل گیا- انتخابات ہوئے اور حماس نے پہلی بار انتخابات میں شرکت کا فیصلہ کرلیا- امریکہ، اسرائیل اور فلسطینی اتھارٹی نے لاکھ دھمکیاں دیں کہ اگر حماس کو منتخب کیا گیا تو امداد بند کردی جائے گی اسرائیل پھر فوج کشی کردے گا محاصرہ کردیا جائے گا لیکن فلسطینی عوام نے بھاری اکثریت سے حماس ہی کو اپنا نمائندہ منتخب کیا- امریکہ، اسرائیل اور ان کی پسندیدہ فلسطینی اتھارٹی سب ایک مخمصے کا شکار ہوگئے- اپنے وضع کردہ نظام کو باقی رکھتے ہوئے حماس کو حاصل دو تہائی اکثریت تسلیم کرلیں یا سب کچھ لپیٹ کر، واپس 1993ء سے پہلے کی صورت حال میں جاپہنچیں- طویل لیت و لعل کے بعد صدر محمود عباس کو پارلیمنٹ کا اجلاس بلانے، منتخب ارکان اسمبلی اور ارکان حکومت سے حلف لینے کی ہدایات دی گئیں- وزیراعظم اسماعیل ھنیہ اور ان کے ساتھیوں نے کام کرنا شروع کردیا- کہنے کو تو ایک منتخب حکومت اور پارلیمنٹ وجود میں آگئی لیکن عملاً یہ زہریلے کانٹوں سے بھرا ایک تاج تھا جو حماس حکومت کے حصے میں آیا- کہنے کو تو صہیونی انخلا کے بعد غزہ سے اسرائیلی قبضہ ختم ہوگیا تھا لیکن عملاً پورا علاقہ نہ صرف صہیونی گھیرے میں ہے، بلکہ غزہ کے اندر بھی اسرائیلی افواج کی نمایندگی کرنے والے دندناتے پھرتے تھے- منتخب حکومت کو ایک دن بھی سکھ کا سانس نہیں لینے دیا گیا- 1993ء میں صہیونی انتظامیہ کے ساتھ اوسلو معاہدے کے نتیجے میں متعارف کروائی جانے والی فلسطینی اتھارٹی کی بنیاد ہی بیرونی مالی امداد اور اسرائیلی شراکت داری پر رکھی گئی تھی، حماس کی حکومت تے ہی تمام بیرونی امداد یکسر بند کردی گئی- اسرائیلی انتظامیہ نے تعاون کے بجاے عداوت کے نئے مورچے کھول لیے اور ان سے یہی توقع تھی- حماس نے چیلنج قبول کیا اور کہا کہ امداد بند ہے تو بند رہے ہم اپنا جہاں خود پیدا کریں گے- پورے عالم اسلام کے عوام نے ان کے لیے مالی امداد جمع کرنا شروع کی، ایک خطیر رقم جمع ہوگئی، بعض حکومتوں نے بھی دست تعاون بڑھایا اور دنیا کو‘خطرہ’ لاحق ہوگیا کہ حماس حکومت کامیاب ہوسکتی ہے- مسلمان ملکوں کے بنکوں پر پابندی عائد کردی گئی کہ کوئی بنک فلسطینی حکومت کے اکاؤنٹ میں ایک پیسہ بھی منتقل نہ کرے- کئی بنکوں نے منتخب فلسطینی حکومت کے لیے جمع شدہ رقوم ضبط کرنے کا اعلان کردیا لیکن حماس نے پھر بھی ہمت نہ ہاری اور ذمہ داران حکومت خود مالی اعانت لے کر غزہ جانے لگے- غزہ کو باقی دنیا اور خود فلسطین کے دیگر مقبوضہ علاقوں سے ملانے والے راستوں کی تعداد چھے ہے- ان میں سے پانچ تو براہ راست اسرائیلی انتظام میں ہیں اور غزہ کو مقبوضہ فلسطینی علاقوں سے ملاتے ہیں جب کہ ایک راستہ (رفح گیٹ وے) غزہ کو مصر سے ملاتا ہے- وزیراعظم ھنیہ، وزیرخارجہ محمود الزھار اور دیگر کئی ذمہ داران حکومت کو رفح کے راستے جمع شدہ مالی اعانت غزہ لے جانے سے روکنے کی کوشش کی گئی، لیکن ہربار فلسطینی مجاہدین نے باقاعدہ مزاحمت کرتے ہوئے یہ امداد اندر پہنچائی- تقریباً ڈیڑھ برس کا عرصہ یوں ہی گزرا- عالمی امداد بند، تمام بری راستے جزوی طور پر بند، صہیونی فوجی کارروائیوں کا وسیع پیمانے پر دوبارہ آغاز اور سب سے بڑھ کر یہ کہ الفتح تنظیم اور صدارتی افواج کے ذریعے حماس کے ساتھ باقاعدہ مڈبھیڑ کا اہتمام، آئے روز ذمہ داران قتل، مجاہدین گرفتار صہیونی دشمن کے ہاتھوں نہیں، اپنے ہی بھائی بندوں کے ذریعے- اس دوران کئی مصالحتی کوششیں ہوئیں- مکہ مکرمہ میں حماس اور الفتح کے درمیان کعبے کے سایے میں ایک تفصیلی معاہدہ طے پایا- معاہدے کی سیاہی بھی خشک نہ ہوئی تھی کہ صدارتی افواج اور الفتح کے مسلح عناصر کے ذریعے منتخب حکومت اور حماس کے خلاف جارحانہ کارروائیاں پھر شروع ہوگئیں- اغوا، قتل اور جلائوگھیرائو کی یہ کارروائیاں عروج پر پہنچیں تو بالآخر 14 جون 2007ء کو حماس کے جوانوں نے غزہ سے صدارتی کیمپ کے تمام دفاتر خالی کروا لیے- چند گھنٹوں کے اندر اندر غزہ میں صرف حماس ہی کی عوامی و عسکری قوت باقی رہ گئی- حماس نے اعلان کیاکہ یہ صرف ایک عارضی اورانتظامی کارروائی ہے، ہم معاہدۂ مکہ کی اصل روح کے ساتھ اپنے تمام فلسطینی بھائیوں سے اشتراک عمل چاہتے ہیں، لیکن 14 جون کے واقعات کو بنیاد بناکر غزہ کو مکمل گھیرے میں لے لیا گیا- اس محاصرے کو سات ماہ سے زائد عرصہ گزر گیا ہے- غزہ نے جانے کے تمام راستے مکمل طور پہ بند ہیں- کوئی گاڑی، کوئی سواری، کوئی شخص غزہ سکتا ہے، نہ وہاں سے جاسکتا ہے- اس مکمل بندش سے زندگی معطل ہوکر رہ گئی- ایندھن، پانی، ادویات، سامان خوردنوش فلسطینی مقبوضہ علاقوں سے آتا تھا، وہ بند ہوگیا- غزہ سے کچھ سامان تجارت خصوصاً فرنیچر ملبوسات اور زیتون کی مصنوعات باہر جاتی تھیں وہ بند، غزہ میں موجود 18ہزار سرکاری ملازمین کی تنخواہیں بند- غزہ سے لاکھوں افراد روزانہ محنت مزدوری کے لیے مقبوضہ فلسطینی علاقوں میں جاتے تھے، ان کے جانے پر پابندی- غزہ میں علاج کی سہولت محدود ہونے کے باعث سنگین امراض کے شکار افراد علاج کے لیے رفح کے راستے مصر لے جائے جاتے تھے- گذشتہ سات ماہ میں کئی افراد کو انتہائی مجبوری کے عالم میں مصر لے جانے کی کوشش کی گئی لیکن انھیں کئی کئی روز راستے ہی میں روکے رکھا گیا جس کی وجہ سے 82افراد راستے ہی میں دم توڑ گئے- کئی مریض ایسے تھے کہ حصار سے پہلے مصری ہسپتالوں میں داخل تھے، انھیں علاج کے بعد واپس اپنے اہل خانہ کے پاس نہیں جانے دیا گیا- ان میں کئی خواتین اور بچے بھی شامل ہیں- 20 جنوری 2008ء محاصرے کی ہلاکت خیزیوں کے عروج کا دن تھا- غزہ کی 15 لاکھ آبادی بجلی کے حصول کے لیے مقبوضہ فلسطینی علاقوں اور مصر سے نے والی سپلائی کے رحم و کرم پر تھی- 5 فی صد بجلی جنریٹروں کے ذریعے غزہ ہی سے فراہم ہوجاتی تھی- مقبوضہ علاقوں اور مصر سے آنے والی بجلی پہلے ہی بند کر دی گئی تھی- 5 فی صد پر کسی نہ کسی طرح گزارا ہورہا تھا لیکن یہ جنریٹر بھی تیل سے چلتے ہیں اور ایندھن کی سپلائی گذشتہ سات ماہ سے بند تھی- 20 جنوری کو پاکستانی وقت کے مطابق رات ساڑھے گیارہ اور غزہ کے وقت کے مطابق رات ساڑھے آٹھ بجے آخری جنریٹر بھی تیل نہ ملنے کی وجہ سے بند ہوگیا- 15 لاکھ افراد پر مشتمل آبادیاں مکمل اندھیرے میں ڈوب گئیں- غزہ مکمل طور پہ تاریک ہوگیا- صرف تاریکی ہوتی تو اسے برداشت کیا جاسکتا تھا لیکن برقی رو نہ ہونے کے باعث ٹیوب ویل بند ہوگئے، پانی ناپید ہوگیا- ہسپتالوں میں بجلی نہ ہونے کی وجہ سے حساس طبی آلات نے کام چھوڑ دیا، جن مریضوں کے آپریشن ضروری تھے یا جن کے آپریشن ہوچکے تھے، موت و حیات کی کش مکش سے دوچار ہوگئے- ٹیلی فون ایکسچینج اور موبائل فون کی بیٹریاں ختم ہوگئیں، ذرائع ابلاغ و مواصلات معطل، نقل و حرکت کے وسائل مفلوج، زرعی اجناس کھیت سے منڈی منتقل کرنا محال- اسی پر اکتفا نہیں، ساتھ ہی ساتھ اسرائیلی بم باری شروع- حماس کے ذمہ داران اور نوجوانوں کو چن چن کر میزائلوں کا نشانہ بنایا جانے لگا- منتخب وزیرخارجہ محمود الزھار کا کڑیل جوان بیٹا بھی شہید کردیا گیا (ان کا ایک بیٹا 2003ء میں اس وقت شہید ہوگیا تھا جب خود انھیں میزائلوں کا نشانہ بنایا گیا تھا- وہ تو محفوظ رہے ہمراہ جانے والا بیٹا شہید ہوگیا)- حصار و تاریکی کے تین روز کے اندر اندر 40 کے قریب افراد کو شہید کردیا گیا- شہدا اور زخمیوں کی جو فہرست غزہ سے جاری ہوئی ہے اسے دیکھیں توان میں سے صرف تین افراد ایسے ہیں کہ جن کی عمر بالترتیب 42، 54 اور 59 سال ہے- باقی سب نوجوان یا بچے ہیں- 15 لاکھ انسانوں کو اب بھی پوری دنیا کے سامنے روزانہ موت کے گھاٹ اتارا جا رہا ہے- ان کا جرم صرف یہ ہے کہ وہ فلسطینی ہیں، اپنے نبی کے قبلۂ اول اور مقام اسراء و معراج پر صہیونی قبضہ تسلیم کرنے سے انکاری فلسطینی- لاکھوں افراد کے سامنے جب کوئی راستہ نہ بچا تو 22جنوری کی شام سیکڑوں خواتین رفح کے سرحدی پھاٹک پر جمع ہوگئیں، انھوں نے زبردستی پھاٹک کھولنے کی کوشش کی لیکن مصری انتظامیہ نے ان پر نسو گیس اور گولیاں چلا دیں- اگلے روز، یعنی 23جنوری کو ہزاروں کی تعداد میں فلسطینی نوجوان اکٹھے ہوئے اور انھوں نے بلڈوزر کے ذریعے غزہ اور مصر کے مابین حائل جنگلے اور ہنی دیوار مسمار کر دی- پھر وہاں سے لاکھوں فلسطینیوں کے قافلے مصری شہر عریش اور رفح کی جانب چل دیے- سب کا ہدف صرف یہ تھا کہ تیل، کھانے پینے کا سامان اور لالٹینیں، موم بتیاں خرید کر واپس جاسکیں- جب اتنی بڑی تعداد کو روکنا مصر کے لیے ممکن نہ رہا تو صدر حسنی مبارک نے اعلان کیا کہ ہم نے سرحد کھول دی ہے، فلسطینی سامان خوردونوش خریدنے کے لیے آ سکتے ہیں- مصری دکان دار اور تاجر ایک انوکھی سرشاری کا مظاہرہ کر رہے تھے- معمول سے بھی کم قیمت پر جو کچھ ہے اپنے محصور بھائیوں کو پیش کر دیتے، بعض اوقات قیمت خرید سے بھی کم پر- یہ منظر ایک بڑا سوالیہ نشان بھی ہے- ایک ہی قوم، ایک زبان، ایک ہی علاقے کے ساجھی ایک ہی نبی کے امتی لیکن چند فٹ کی دیوار اور خاردار تاروں سے یوں تقسیم کردی گئی کہ ایک طرف 15لاکھ انسانی جانیں موت کی دہلیز پر کھڑی ہیں اور دوسری جانب کے حکمران صرف امریکا و اسرائیل کے خوف سے انھیں روٹی، پانی، دوا یا تیل دینے سے انکاری ہیں- سرحدی دیوار روند دیے جانے پر امریکہ بہادر نے خبردار کیا ہے کہ یہاں سے دہشت گرد اسلحہ اور مجاہدین غزہ جاسکتے ہیں- اسرائیل نے بھی دھمکی دی ہے کہ مصر یہ راستہ بند کردے وگرنہ براہ راست کارروائی کریں گے- اور مصر نے آمنا وصدقنا کہتے ہوئے یہ سرحدی شگاف بند کردیا- اب غزہ سے کسی کو مصر جانے کی اجازت نہیں البتہ فی الحال مصر کی طرف ئے ہوئے فلسطینیوں کو واپس غزہ کی سب سے بڑی انسانی جیل میں جانے کی زادی ہے- سرحدی شگاف بند کردیا گیا لیکن اس اقدام سے امت کے جسد میں جو شگاف ڈالا جا رہا ہے اس کی کسی کو پروا نہیں- یہ الگ بات ہے کہ مظلوم کے سامنے جب سب راستے بند کردیے جائیں تو پھر وہ کسی طرح سرحدیں مسمار کردیتا ہے- دنیا نے اس کا عملی مظاہرہ دیکھ لیا- اہل غزہ پر توڑی جانے والی اس قیامت پر امت نے بیداری و زندگی کا ثبوت دیتے ہوئے پورے عالم اسلام میں اس پر احتجاج کیا ہے- موریتانیا سے لے کر انڈونیشیا تک ہر جگہ مظاہرے اور مذمتی بیانات جاری ہوئے ہیں- سب سے بڑے مظاہرے مصر اور اردن میں اخوان المسلمون نے کیے ہیں- ایران اور لبنان میں بھی بڑے مظاہرے ہوئے ہیں- موریتانیا میں خواتین کے مظاہرے میں ایک خاتون رکن پارلیمنٹ وضع حمل کے تیسرے روز بیماری کے باوجود مظاہرے کی قیادت کے لیے نکل آئی- خلیجی ریاستوں بحرین، قطر اور متحدہ عرب امارات کے شہر شارقہ میں بھی مظاہرہ ہوا ہے حالانکہ وہاں کسی سیاسی سرگرمی کی اجازت نہیں ہے- دمشق میں ایک بڑی قومی کانفرنس ہوئی ہے- کئی عرب ممالک میں مظاہرین نعرے لگا رہے تھے: ولایھـمک فلسطین ... کلنا صلاح الدین ’فلسطین فکر نہ کرو ہم سب صلاح الدین ہیں‘- اہل غزہ نے بھی موت کی آنکھوں میں آنکھیں ڈال کر بینر بلند کیے: شعب غزہ ما بینھار ’ غزہ کے باسی کبھی شکست خوردہ نہیں ہوں گے‘- عالمی سروے بتارہے ہیں کہ اہل غزہ پہلے سے زیادہ قوت کے ساتھ حماس کا ساتھ دے رہے ہیں- جب رسول معظم صلی اللہ علیہ وسلم اور آپ کے تمام ساتھیوں کو اہل خانہ سمیت شعب ابی طالب میں محبوس کردیا گیا اور وہ خشک چمڑا اور درختوں کی چھال تک کھانے پر مجبور کردیے گئے تو ایک روز زہیر بن امیہ تڑپ اٹھا، اپنا شان دار جبہ زیب تن کرکے حرم میں آیا، بیت اللہ کا طواف کیا اور کہا: ‘‘ہم تو انواع و اقسام کے کھانے کھائیں، طرح طرح کے کپڑے پہنیں اور بنوہاشم ہلاک ہوتے رہیں، ان سے ہر طرح کی خرید و فروخت بند ہو؟ نہیں، خدا کی قسم! نہیں- میں تب تک چین سے نہیں بیٹھوں گا جب تک بنوہاشم سے بائیکاٹ کی ظالمانہ دستاویز پھاڑ نہیں دی جاتی-’’ آج خود ہاشم بن عبدمناف کے میزبانوں کے لیے غزہ کو شعب ابی طالب بنا دیا گیا ہے- غزہ اور دیگر فلسطینی بادیوں کے گرد 650 کلومیٹر لمبی اور 25 فٹ اونچی جدید ہتھیاروں سے آراستہ ہنی دیوار کھڑی کی جارہی ہے- (دیوار برلن 155 کلومیٹر لمبی اور 11 فٹ 8 انچ اونچی تھی) تمام راستے مسدود کر دیے گئے ہیں- رسول مہربان صلی اللہ علیہ وسلم کے جدامجد کا میزبان غزہ دہائی دے رہا ہے کہ: کیا دنیابھر میں پھیلے اربوں انسانوں میں سے کوئی بھی زہیر بن امیہ نہیں ہے؟

بشکریہ: مرکزاطلاعات فلسطین

اردو فونٹ ڈائون لوڈ لریں

2008-04-04T23:23:00.000-07:00

بالاگ کو واضح طور پر دیکھنے کے لئے جمیل نوری نستعلیق فونٹ ڈائون لوڈ کریں اورایکسٹریکٹ کرنے کے بعد

c:\windows\fonts

کے فولڈر میں کاپی کریں۔ اس سے آپ بالاگ کو نوری نستعلیق میں صاف اور واضح دیکھ سکیں گے۔

ڈائون لوڈ کرنے کے لئے یہاں کلک کریں